Tuesday, January 27, 2009

WARLORD ROPUI – AHMED SHAH MASOOD


pic courtesy: albphabetcity.blogspot.com

(He article hi October 10, 2007 a Bangalore Mizo website a ka pholan tawh mah ni se, ka blog ah hian kan chhuah nawn ve leh a ni e – Thara Tlau)


Ahmed Shah Masood-a pawimawh zia chu a thih hun pawh khan a hril chiang khawp mai. September 11, 2001 a World Trade Center leh Pentagon bombing hma September 9, 2001 khan thah (assassinate) a ni a. Masood-a thah tumna “plot” kha lo tlawlh palh se WTC leh Pentagon kha an bomb kher lo ang a tih theih. Afghanistan Northern Alliance hruaitu, Taliban beilettu pawl hotu, Taliban leh Al Qaeda ten an huat rawn a ni. America ram hruaitute kha khatiang 9/11 ang thil thleng tur kha a lo warn lawk daih tawh a ni. Warlord mah ni se, kum 2002 khan French Parliamentarian rual chuan Nobel Peace Prize dawng turin Norway-based Nobel Peace Prize committee-ah nomination an thehlut a ni. He thil hian khawvel a nghawng a nih kha. Tualthattu leh hriamhrei lek hmang khatia Nobel Peace Prize, Pu Gandhi-a paw’n tun thlenga (posthumously) a la dawn loh, remna atana hma latu ropui te tana pek chhuah thin dawng tura a hming an ri ve kha.

Ahmed Shah Masood-a hi Afghanistan ethnic Tajik mi a ni a, Afghanistan atanga Soviet army hnawtchhuaktu a nih avangin Lion of Panjshir ("Shir-e-Panjshir") tia koh hial a ni a. Soviet army a beih dan tactic kha Afghan ho indo dan leh guerilla warfare Mao Zedong-a leh Che Guevara te lehkhabu atanga a zir chhawn a ni a. Mahse commentator pakhat chuan “it was considered as the most effective of all the resistance movements” a ti hial a ni. Tribal sipai tlem te hmangin Soviet army ralthuam tha tak hmang kha an hneh tlat mai a ni.

Kum 1992 khan President Burhanuddin Rabbani hnuaiah Defence Minister a ni a. Mahse, khatia Taliban ho an lo chak tak zela Rabbani sorkar a tluk chhiat khan United Islamic Front for the Salvation of Afghanistan chu warlord thenkhatte nen dinin military leader a ni a. Hei hi Northern Alliance tia hriat lar tak kha an ni a. Taliban khan Afghanistan ram 90% vel an awp chhova. Northern Alliance hi khawthlang lam sorkar (read as US) tan chuan beiseina awm chhun a ni. Central Asia chungchanga khawthlang sorkar policy leh hmalakna tamtak kha Masood-a influence kan ti lo thei lo. April 2001, a thih hma thla nga, khan European Parliament President Nicole Fontaine chuan European Parliament address turin a sawm a. Hetah hian khawthlang sorkar te hriatah Taliban leh Al Qaeda te inlaichinna chu chiang takin a sawi lang nghe nghe a. Tin, terrorist attack lian tham tak an duang mek a ni tih ngenngawl takin a sawi a. Mahse, US leh European sorkar te chuan a “warning” chu eng lua ah an ngaih sak lo a.

September 11, 2001 ah US chuan Pearl Harbour Japan ina an beih tih lova hmelma beihna nasa ber mai a tawk ta. A ram ropuina tilangtu a military headquarters Pentagon leh sumdawnna hmunpui World Trade Center chu terrorist te kutah nasa taka tihchhiat an ni a. Hemi avang hian Afghanistan Northern Alliance te hmang pahfawmin Kabul a rorel lai Taliban sorkar chu a bei ta vak mai a, kar lovah an hneh ta reng a. Mahse, thla nga lek kalta a Masood-a “warning” kha menah lo thlak se chuan mi tam takin an nunna an chan lo tur. Tichuan, US tanpuinain Afghanistan chuan sorkar lailawk President Hamid Karzai kaihhruaina hnuaiah a lo nei ta a. Hamid Karzai-a hian president a nih kum vek 2001 khan Ahmeh Shah Masood-a chu "Hero of the Afghan Nation" title a hlan a ni. Hei hi India rama “Father of the Nation” kan tih ang hi a ni.

4 comments:

Awzzman said...

Pu Thara chu va ti ziak ropui bem bem ve le, pangal ho hi chu an PA ka ti tawp....Ahmed Shah Khuda hafeez.............!!!

Tharax said...

chuti em2 a mi?? ka'n ti ve vel mai2 nih hi... hehe

avena said...

ziak ngaihnawm khawp mai..

Tharax said...

@avena: ka lawm e.